Siguri në internet

На 21 октомври, беа одржани едукации за безбедно користење на интернет во средното училиште „Владо Тасевски“ во Скопје. Се реализираа вкупно 8 едукации од кои 6 за ученици и по 1 за наставници и родители. Со осумте едукации беа опфатени 158 ученици, 23 наставници и 20 родители. Едукациите ги реализираше Елена Стојановска од Дирекцијата за заштита на личните податоци.

Едукациите за учениците беа спроведени во двете смени и беа опфатени 158 ученици од прва до четврта година. Беа вклучени вкупно четири македонски паралелки од насоката елетро-техничари за телекомуникации, една албанска паралелка од насоката елетро-техничари за телекомуникации и една паралелка електро-механичари од програмата на ГТЗ - Германска Влада.

Едукациите беа интерактивни, учениците покажаа интерес за темата на едукацијата, развиваа дискусии и ги раскажуваа своите искуства на интернет.

 

Интересот на наставниците и родителите за безбедноста на децата на интернет беше голем особено кога ќе се земе предвид насоката која ја изучуваат учениците – електротехника во телекомуникациите.

Генералниот став на родителите беше дека безбедноста и доброто однесување на интернет треба да стане составен дел од учебниците по информатика за основно образование.