Siguri në internet

 

5 кумановски села беа опфатени со едукации за безбедно користење на интернет, во текот на минатиот месец. Селата: Опае, Слупчане, Матејче, Лопате и Отла дознаа за безбедносните проблеми при користење на интернет од страна на Арбен Ибраими кој реализираше по 5 едукации во по 1 училиште од секое од селата.

 

Помеѓу скопските училишта опфатени со едукација во месец октомври, беа и основните: „Љубен Лапе“, „Христијан Тодоровски Карпош“, „26 јули“ и „Јоаким Крчоски“, како и средното „Георги Димитров“. Едукатори кои независно работеа во овие училишта беа Татјана Јаневска, Ирина Шумадиева и Насер Мифтари.

Во месец октомври, беа реализирани голем број едукации за децата и наставниците во училиштата кои спаѓаат под општината Кисела Вода. Исто така, како резултат на добрата соработка со општината, се реализираше и една масовна едукација за родителите на учениците кои учат во овие училишта, што пак беше повод за свикување на претставници од медиумите, со цел и тие подобро да се запознаат со темата и сработеното во рамките на проектот.

 

На 1-ви овој месец, се одржа средба со едукаторите и со некои од останатите соработници вклучени во проектот. Целта на средбата беше да се разменат размислувања и искуства од одржаните едукации, како и да се предложат нови идеи за продолжување со активности за подигнување на јавната свест за проблематиката.

Во октомври, кон процесот на едукација и подигнување на свеста за побезбедно користење на интернетот, помеѓу децата, родителите и наставниот кадар, се приклучија и две претставнички од „Отворете ги прозорците“ кои работеа во улога на едукатори: Радмила Стојковска и Маргарита Гулевска. Тие ги опфатија двете скопски основни училишта: „Димо Хаџи Димов“ и „Лазо Трповски“.

Гимназијата „Добри Даскалов“, како и основните училишта „Тоде Хаџи-Тефов“ и „Димката Ангелов - Габерот“ во Кавадарци, се здобија со едукација за вешто, внимателно и безбедно користење на интернетот во текот на изминатиот месец. Беа опфатени голем број на ученици во сите училишта. Работата на едукатор, како и во првата фаза, и овој пат ја имаше Гордана Богева.

 

Во октомври, се реализираа едукации за безбедно користење на интернет од страна на децата во едно делчевско училиште, едно во селото Тработивиште, делчевско, како и во едно училиште во Македонска Каменица. Едукациите ги реализираше Нејат Демировски од ПХУРТ – Делчево.

Во октомвриската фаза од спроведувањето на едукациите за безбедно користење на интернет од страна на децата, беа опфатени вкупно 6 училишта, 4 во кои наставата се изведува на македонски јазик и 2 во кои наставата се изведува на албански. Во четирите македонски училишта едукациите ги изведоа Маргарита Аврамовска и Зоран Стефановски, додека за албанските задолжен беше Реџаиљ Али.

На 21-ви и 22-ри октомври, едукации за безбедно користење се одржаа и во градот Велес. За разлика од другите градови каде се одржуваа вакви едукации и во текот на минатата учебна година, овде се одржаа за прв пат. Беа опфатени 4 училишта, две основни и две средни. Едукациите ги спроведоа координаторите на проектот Ирина Шумадиева од Метаморфозис и Татјана Јаневска од Меѓаши.

 

Во октомври беа спроведени нови едукации за безбедно користење на интернет од страна на децата во 3 тетовски училиште. Едукациите ги спроведе Џаније Исеини, соработник во проектот. Беа опфатени двете основни училишта „Лириа“ и „Кирил и Методиј“, како и средното економско училиште „8 септември“.

На 21 октомври, беа одржани едукации за безбедно користење на интернет во средното училиште „Владо Тасевски“ во Скопје. Се реализираа вкупно 8 едукации од кои 6 за ученици и по 1 за наставници и родители. Со осумте едукации беа опфатени 158 ученици, 23 наставници и 20 родители. Едукациите ги реализираше Елена Стојановска од Дирекцијата за заштита на личните податоци.

Средното училиште „Таки Даскало“ и основното „Коле Канински“ беа опфатени со едукации за безбедно користење на интернет од страна на децата во текот на овој месец. Во средното училиште се одржаа 4 едукации и тоа 3 за средношколците и 1 за наставниците, додека за родителите едукација не се одржа. Во основното училиште се одржаа сите 5 предвидени едукации.

 

Gjatë javës së kaluar, prej 13 deri më 15 tetor u realizuan edukimet për shfrytëzim të sigurt të internetit nga ana e nxënësve në shkollën fillore “Jan Amos Komenski” në Shkup. Edukimet i realizoi Irina Shumadieva nga Metamorfozis.

 

Уште 4 училишта во Охрид беа опфатени со едукации за безбедно користење на интернет во текот на изминатите 2 недели. За разлика од едукациите спроведени во текот на минатата учебна година, овој пат се презентираше само на македонски јазик. Едукациите ги реализираа Марија Пупиноска Гогова и Катерина Ситникоска.

 

Минатата недела во Штип беа реализирани 10 нови едукации за безбедно користење на интернет од страна на децата. По 5 едукации се реализираа во основните училишта „Гоце Делчев“ и „Тошо Арсов“. Едукациите ги спроведоа Гоце Коцески и Душан Миланов.