Безбедно на интернет

Во рамките на одбележување на Светскиот ден за побезбеден интернет (9 февруари) во ООУ Страшо Пинџур во Неготино во текот на месецот се одржа обука за учениците и родителите на оваа тема. Обуката ја реализираше Ѓорѓина Димова – наставник по информатика, служејќи се со материјалите достапни на веб-сајтот на Метаморфозис Безбедно на Интернет.

Минатиот петок (25.06.2010) во приватното училиште НОВА се одржа семинар на тема „Безбедност и приватност на интернет“, кој го проследија  20-ина учесници од наставниот и педагошкиот кадар. На настанот беше претставник од фондацијата Метаморфозис, а целта беше дискутирање на потенцијалните опасности на интернет, начините за нивно спречување и контролирање, особено во рамките на училиштето.

Информатичко-комуникациските технологии (телефон, интернет, е-пораки, блогови и социјални мрежи) го олеснуваат секојдневниот живот и врските со нашите роднини, пријатели, па дури и со непознати лица. Овие технологии особено интензивно ги користат младите. Меѓутоа, ако не внимаваме, тие можат да нè доведат во ситуација да откриеме прекумерно количество лични податоци, олеснувајќи го надзорот на нашите приватни животи. Заштитата на личните податоци е од суштинско значење за почитувањето на приватноста.

Европската унија има воспоставено законодавна и регулаторна рамка која има за цел да обезбеди заштита на личните податоци на граѓаните како едно од нивните основни права. Каква е всушност реалноста во пракса и како ние самите можеме да се заштитиме во секојдневието?

На 20 април, во салата на собранието на општина Кавадарци се одржа трибина на тема: Безбедно на интернет, од страна на локалната полициската станица, подржана од ОБСЕ. На трибината присуствуваа по 10-ина ученици од сите основни и средни училишта во општината на возраст 12-17 години, директорите и стручните служби од училиштата, советници од Бирото за развој на образованието, претставници на невладини организации и медиуми, како и уредници на локални веб-страници кои пишуваат за ноќниот живот во Кавадарци.

Гордана Богева, член на мрежата составена од обучени претставници на училишта и НВОи од Македонија, формирана во рамките на проектот „Заштита и безбедност на децата и нивните права на интернет“ одржа  едукативна презентација на темата.

Во услови кога децата се секојдневно бомбардирани со информации и слики од разновидни и многубројни медиуми многу е важно да знаеме што децата прават со медиумите. За таа цел со анкетирање на намерен примерок од 212 родители на деца на возраст од две до шест години од Аеродром, Карпош, Чаир и Сопиште го истражував пристапот на малите деца до медиумската технологија во домот, фреквенцијата и времето на изложеност и навиките за користење на електронските медиуми. (Прочитај го постот за истражувањето)

Истражувач: Викторија Димитровска
Автор на пост: Дарко Булдиоски
Датум на објавување: 17.12.2009
Извор: Комуникации

Психолозите и експертите за онлајн-медиуми се согласуваат дека младите не треба да се исклучат од виртуелната социјализација. Тие препорачуваат родителите да им постават насоки и граници на своите тинејџери (на минимум 16-годишна возраст), да ги научат на интернет-бонтон и така самите да се заштитат од потенцијални неволји. Сепак, на помалите деца местото за играње им е во парковите и на игралиштата

Извор: Нова Македонија

Повеќе од 250 милиони луѓе од целиот свет, меѓу кои 250 илјади македонци, ја користат најпопуларната друштвена мрежа Facebook која овозможува на лесен начин да се поврземе и да комуницираме со пријателите, да споделуваме фотографии, видеа, линкови и сл. Но многу мал број од тие луѓе обрнуваат внимание на својата приватност и на тоа кој се има пристап до нивните лични податоци, воглавно од незнаење како да го регулираат пристапот до тие информации. За подобро да бидете заштитени, IT.com.mk го објавува овој водич кој детално ќе ви ги презентира опциите кои администрацијата на Facebook ги нуди на своите корисници. (Прочитај го водичот)

 

Автор: Дамјан Арсовски

Битолчанец уценувал малолетничка да му сними порно клип и со тоа да си го исплати наводниот долг што девојчето го имало кон него.
Битолската полиција поднесе кривична пријава против М.С. (22) од село Света-Демир Хисар за сторено кривично дело "прикажување на порнографски материјал на дете". Во март 2009 година, пријавениот ја принудил Х.Н. (16) од село Единаковци, со нејзиниот телефон да сними сопствен видео клип со порнографска содржина, како надомест за паричен долг што Х.Н. наводно го имала кон истиот. По ова, пријавениот го префрлил видео клипот на неговиот телефон и го препратил на повеќе лица.

 

Извор: Вечер

Владата на канцеларот Ангела Меркел вчера одобри нов закон, со кој на сите интернет-провајдери во Германија им се наредува да ги блокираат сајтовите со детска порнографија. Текстот треба да оди на одобрение во парламентот, што не би требало да биде проблем, бидејќи коалицијата на Меркел ги контролира и двата дома на парламентот, забележуваат агенциите. Според правилото, сите провајдери што имаат над 10 илјади корисници, треба да ги блокираат сајтовите... (прочитај ја веста - „Шпиц“)

Мајкрософт неодамна го пушти во употреба новиот Windows Live Messenger наменет за деца. Истиот има интерфејс на германски јазик, а најава за негова достапност на други јазици сè уште нема. Повеќе за можностите на самата програма можете да прочитате во веб изданието на додатокот „Колибри“, кој излегува секој вторник во дневниот весник „Нова Македонија“.

По завршувањето на проектот „Заштита и безбедност на децата и нивните права на интернет“, во основното училиште „Блаже Конески“ во Велес, се одржаа серија едукации за безбедно користење на интернет. Овие едукации беа организирани и спроведени од страна на самото училиште, а иницијативата потекна од двајцата наставници: Маја Ржарова и Илчо Ценев кои присуствуваа на заедничката обука за родители која се одржа во општинската сала во Велес.

Училиштето „Блаже Конески“ не беше опфатено со едукации во рамките на проектот.

По повод денот на безбеден интернет, оваа година во ЕУ Инфо Центарот беше организиран настан на кој неколку стручни излагачи ја запознаа разнородната публика со начините на кои можеме да го направиме интернетот, побезбедно место.

Настанот беше организиран како панел дискусија и беше поделен на два дела. Во првиот дел, се претставија 4 излагачи: Патрик Пакет од „Мисијата на Европската Унија“, Ирина Шумадиева од „Фондацијата Метаморфозис“, Елена Стојановска од „Дирекцијата за заштита на личните податоци“ (ДЗЛП) и Александар Токарев од ИТ компанијата „Некстсенс“, додека модератор беше Валентин Нешовски од Европската комисија.

Фокусирајќи се на можните негативни последици од користењето на мобилните телефони, како резултат на праќање злобни смс пораки на други, непромислено давање на бројот на мобилниот телефон итн., не смеат да се занемарат и можните опасности по здравјето на децата. Македонскиот портал за ракот неодамна објави 10 препораки, на 20 светски познати кардиолози, за заштита од електромагнетните бранови кои ги емитираат мобилните телефони.

Проверете која е препорачливата возраст на која децата можат да почнат да користат мобилни телефони, на која оддалеченост и во каква поставеност во однос на телото треба да се држи уредот, дали да се преферираат смс пораките во однос на разговорите итн. Дополнително, прочитајте што велат истражувањата во врска со опасноста од предизвикување на рак како резултат од користењето на мобилен телефон. Дали овие две работи се поврзани?

Поради зголемени стравувања дека мобилните телефони може да предизвикаат рак и други заболувања, во Франција ќе се воведат нови закони против употребата на мобилни телефони од страна на децата.

 

Поради зголемени стравувања дека мобилните телефони може да предизвикаат рак и други заболувања, во Франција ќе се воведат нови закони против употребата на мобилни телефони од страна на децата. 

Кон крајот на месец декември, со цел поголема промоција на веб-сајтот Безбедно на интернет, беше креирана група на Фејсбук кон која за дваесетина дена се приклучија 434 членови. 

Оваа група е наменета за сите оние кои би можеле да имаат корист од информации за безбедност на децата при користење на интернет, или пак би сакале да ги препорачаат ваквите содржини на своите Фејсбук пријатели. Групата е од отворен карактер, што значи дека е овозможено приклучување на нови членови кои понатаму и самите можат да допринесат кон поголема промоција на веб-сајтот.