Siguri në internet

 

Од 9 до 14 ноември, во основното училиште „Климент Охридски“ во Прилеп се реализираа 5 едукации за безбедно користење на интернет од страна на децата. Едукациите ги спроведе Талија Бабоска од Центарот за граѓанска иницијатива.

Në kuadër të ciklit të ri të edukimeve me temë “i sigurt në internet”, me sukses mbaroi seria e pare prej 6 edukimeve të cilat u realizuan në shkollën fillore “11 Tetori” në Shkup. Prezantimet u mbajtën në gjuhën maqedonase, ndërsa rolin e edukatorit e kishte Irina Ivanova, profesoreshë në këtë shkollë.

 

 

U botua manuali i pestë me radhë i Fondacionit Metamorfozis, i titulluar “i sigurt në internet”, i kushtuar para së gjithash prindërve, por i dobishëm edhe për  mësimdhënësit e shkollave, si dhe për gazetarët si përfaqësues të mediumeve.

Prej sot, zyrtarisht fillon cikli i ri i prezantimeve edukative për shfrytëzim të sigurt të internetit nga ana e fëmijëve, i kushtuar krahas tyre edhe për prindërit e tyre dhe mësimdhënësit e shkollave fillore dhe të mesme në Maqedoni.

Dje prej orës 11 deri në ora 13, në lokalet e Metamorfozis u mbajt ligjëratë për sfidat lidhur me shfrytëzimin e internetit nga ana e fëmijëve. Në takim morën pjesë 6 përfaqësues të mediumeve dhe organizatave të cilat u ftuan: Svetllana Veljakova nga Kërçova (Radio Kërçova, Kanal77), Karolina Micevska nga Prilepi (Kanal Vizija, Zenit), Aneta Peçipajkovska (Forumi i të rinjëve, BLLOK), Borçe Malevski (OSBE), Tatjana Janevska dhe Hristina Argirovska nga Megjashi.

Interesimi i madh i mediumeve për rastet e pedofilisë në Maqedoni e nxori në sipërfaqe dukurinë devijuese e cila gjithmonë ekzistonte, vetëm se nuk flitej për të sepse trajtohej si temë e turpshme për ta ndarë me opinionin, kështu mendon  d-r. Nelko Stojanovski, profesor i patologjisë sociale në Fakultetin filozofik në Shkup (lexoe artikullin)

Autor:  Angelina Dimoska, burimi: “Nova Makedonija”

Në lajmet e mbrëmjes të datës 24.08.2008 të televizionit A1 kishte një rrëfim për sigurinë e fëmijëve në internet. Lexoni këtë rrëfim ose direkt shikoni videon. Rrëfimin e përgatiti Emilija Jovanovska.

Krahas dy shkollave maqedonase në Kumanovë të cilat ishin përfshirë në edukimin për shfrytëzim të sigurt të internetit, në këtë qytet u mbajtën edukime edhe për nxënësit, prindërit e tyre dhe mësimdhënësit në dy shkolla ku mësimi mbahet në gjuhën shqipe. Edukimet u mbajtën në shkollën fillore “Bajram Shabani” dhe në shkollën e mesme teknike “Nace Bugjoni”. Këto edukime i realizoi Ali Rexhaili në gjysmën e dytë të muajit maj.

Qendra kulturore rinore nga Manastir i në fundin e vitit të kaluar shkollor realizoi një varg takimesh edukative për shfrytëzimin e internetit në mënyrë të sigurt nga ana e fëmijëve. U përfshinë shkolla e mesme “Gjorgji Naumov” dhe shkolla fillore “Gjorgji Sugarev”. Edukimet u realizuan në gjuhën maqedonase nga Dejan Dodovski, por ndihmuan edhe Ivona Kërstevska dhe Aleksandar Todorovski. Me përmbajtjen e edukimeve u njoftuan 186 nxënës prej të dy shkollave, vetëm 6 profesorë dhe 8 vullnetarë nga qendra.

Qendra interaktive për profesionistë të cilët punojnë në lëmin e parandalimit të keqpërdorimit dhe moskujdesit të fëmijëve dhe intervenimi për të ndihmuar në atë drejtim në Evropën lindore, rishtazi botoi informacion për projektin “Mbrojtja dhe siguria e fëmijëve dhe të drejtave të tyre në internet”.

Ueb-faqja është krijuar në vitin 2001 me ndihmën financiare të “Institutit shoqëria e hapur“, kurse realizohet në bashkëpunim me Ambasadën e pare të fëmijëve në botë – “Megjashi”, falë së cilës prezantohen informata për temën që ka të bëjë me Maqedoninë.

Me edukimet për shfrytëzim të sigurt të internetit u përfshinë gjithsej 8 shkolla nga Shkupi, prej të cilave në 2 shkolla ku mësimi zhvillohet në gjuhën shqipe, ndërsa shkollat tjera janë në gjuhën maqedonase. Prej të gjithave, në tre prej tyre edukimin e realizuan përfaqësuesit e trajnuar të organizatës “Hapni dritaret”, në dy prej tyre përfaqësues nga “Forumi rinor arsimor” nga Shkupi, kurse në tre shkollat tjera përgjegjësinë e kishte Ambasada e parë e fëmijëve në botë – “Megjashi”.

Me projektin “Mbrojtja dhe siguria e fëmijëve dhe e të drejtave të tyre në internet”, gjatë muajit maj u njoftuan edhe një pjesë e nxënësve, prindërve dhe arsimtarëve në qytetet e Ohrit dhe të Strugës, si dhe të fshatit të Ohrit – Vellgoshti. U realizuan gjithsej 20 edukime në këto rajone, u përfshinë tre shkolla, ndërsa përmbajtja u përcoll në gjuhën maqedonase dhe në gjuhën shqipe. “Këshilli rinor Ohër” nga Ohri e organizoi punën, kurse profesoreshat Lizana Ziba dhe Marija Pupinoska-Gogova e kishin rolin e edukueseve.

Qendra për iniciativë qytetare e Prilepit, në periudhën prej 20 maj e deri në 5 qershor i realizoi edukimet e parashikuara për të shfrytëzuar internetin në mënyrë të sigurt. Në dy shkolla të Prilept, edhe atë në shkollën fillore “Koço Racin” dhe në shkollën e mesme “Kuzman Josifovski – Pitu”. Në rolin e edukatorit ishin Talija Baboska dhe Katica Ristovska. Në edukimet e mbajtura u përfshinë gjithsej 196 nxënës, 60 prindër dhe 38 mësimdhënës.

Në Tetovë dhe Gostivar u realizuan edukimet për shfrytëzim të sigurt të internetit prej 21 deri më 29 maj. Gjithsej u përfshinë 4 shkolla, respektivisht nga 2 në secilin qytet. Në Gostivar edukimet u mbajtën në shkollën fillore “Bashkimi” dhe në shkollën e mesme teknike “Gostivar”, ndërsa në Tetovë edukimet i ndoqën nxënësit, prindërit e tyre dhe mësimdhënësit e shkollës fillore “Bratstvo-Migjeni” dhe të gjimnazit “Kiril Pejçinoviq”. Për të gjithë edukimet përgjegjës ishte edukatori Agim Mustafai i “A sociacionit për iniciativë demokratike” (AID) nga Gostivari. Edukimet u mbajtën në gjuhën shqipe.

Prej 14 deri në 24 maj, edukatorët Goce KOcevski dhe Dushan Milanov me sikses i realizuan edukimet për shfrytëzim të sigurt të internetit nga ana e fëmijëve në dy shkolla të Shtipit. U mbajtën nga 5 takime edukative në shkollën fillore “Dimitar Vllahov” dhe në shkollën e mesme të medicinës “Jane Sandanski”. Në këto takime morën pjesë gjithsej 179 fëmijë dhe tinejxherë, 45 mësimdhënës dhe 40 prindër. Për realizimin e edukimeve përgjegjëse ishte Fondacioni për zhvillim të bashkësisë lokale nga Shtipi.