Безбедно на интернет

 

Од 9 до 14 ноември, во основното училиште „Климент Охридски“ во Прилеп се реализираа 5 едукации за безбедно користење на интернет од страна на децата. Едукациите ги спроведе Талија Бабоска од Центарот за граѓанска иницијатива.

 

Во рамките на новиот циклус едукации на тема: „безбедно на интернет“, успешно беше завршена првата серија од 6 едукации кои се реализираа во основното училиште „11 Октомври“ во Скопје. Презентациите се изведоа на македонски јазик, а во улога на едукатор беше Ирина Иванова, професор во училиштето.

 

 

Излезе петтиот по ред водич на фондацијата Метаморфозис, насловен „безбедно на интернет“, а наменет пред се на родителите, иако корисен и за наставниците во училиштата, како и за новинарите како претставници на медиумите.

Од денес, официјално започнува новиот циклус едукативни презентации за безбедно користење на интернет од страна на децата, наменети, покрај за нив, и за нивните родители и наставници во основните и средните училишта во Македонија.

Вчера, од 11 до 13 часот, во просториите на Метаморфозис се одржа предавање за предизвиците поврзани со користењето на интернет од страна на децата. На средбата беа присутни 6 претставници од медиумите и организациите до кои беше упатена покана: Светлана Вељаонвкса од Кичево (Радио Кичево, Канал 77), Каролина Мицевска од Прилеп (Канал Визија, Зенит), Анета Печипајковска (Форум на млади, БЛОК), Борче Малевски (ОБСЕ), Татјана Јаневска и Христина Аргировска од Меѓаши.

Големиот медиумски интерес за случаите со педофилија во Македонија ја извади на површина девијантната појава што постоеше отсекогаш, само што не се зборуваше за неа зашто беше третирана како срамна тема за споделување со јавноста, смета проф. д-р Нелко Стојановски, професор по социјална патологија на Филозофскиот факултет во Скопје. (прочитај ја сторијата)

Автор:  Ангелина Димоска, извор: Нова Македонија

 

Во вечерните вести на А1 телевизија од 24.08.2008 имаше прилог за детската безбедност на интернет. Прочитајте ја сторијата или појдете директно да го погледнете видеото. Прилогот го подготви Емилија Јовановска.

Покрај двете македонски училишта во Куманово, кои беа опфатени со едукации за безбедно користење на интернет, во овој град се одржаа едукации и за учениците, нивните родители и наставниците од две училишта во кои наставата се изведува на албански јазик. Едукациите се спроведоа во основното училиште „Бајрам Шабани“ и во средното техничко училиште „Наце Буѓони“. Истите ги реализираше Али Реџаил во втората половина на месец мај.

 

Младинскиот културен центар од Битола реализираше серија едукативни средби за безбедно користење на интернетот од страна на децата кон крајот на изминатата учебна година. Беа опфатени средното училиште „Ѓорѓи Наумов“ и основното „Ѓорѓи Сугарев“. Едукациите се спроведоа на македонски јазик од страна на Дејан Додовски, но помогнаа и Ивона Крстевска и Александар Тодоровски. Со содржината на едукациите се запознаа вкупно 186 ученици од двете училишта, само 6 професори и 8 волонтери од центарот.

Интерактивниот центар за професионалци кои работат во полето на превенција од злоупотреба и негрижа на деца и интервенција за помош во таа насока во Источна Европа, неодамна објави информација за проектот „Заштита и безбедност на децата и нивните права на интернет“.

Веб-сајтот е формиран во 2001 година со финансиска помош од „Институтот Отворено Општество“, а остварува соработка со Првата детска амбасада во светот – „Меѓаши“, благодарение на која се презентираат информации на темата кои се однесуваат на Македонија.

Со едукации за безбедно користење на интернет беа опфатени вкупно 8 училишта од Скопје, од кои во 2 наставата се изведува на албански јазик, а во останатите 6 на македонски. Од сите нив, во 3 едукацијата ја спроведоа обучените претставници од „Отворете ги прозорците“, во 2 - претставници од „Младинскиот образовен форум“ (МОФ) од Скопје, додека за останатите 3 училишта одговорноста ја имаше првата Детска амбасада во светот – „Меѓаши“.

Со проектот „Заштита и безбедност на децата и нивните права на интернет“, во текот на месец мај се запознаа и дел од учениците, родителите и наставниците од градовите Струга и Охрид, како и од охридското село Велгошти. Се спроведоа вкупно 20 едукации во овие области, беа опфатени 3 училишта, а содржината се пренесуваше на македонски и албански јазик. „Младинскиот совет Охрид“ од Охрид ја организираше работата, а професорките Лизана Зиба и Марија Пупиноска-Гогова ја имаа улогата на едукатори.

Центарот за граѓанска иницијатива од Прилеп, во периодот од 20 мај до 5 јуни ги реализираше предвидените едукации за безбедно користење на интернет во две прилепски училишта и тоа, во основното училиште „Кочо Рацин“ и во средното „Кузман Јосифовски - Питу“. Во улога на едукатори беа Талија Бабоска и Катица Ристовска. Со одржаните едукации во двете училишта беа опфатени вкупно 196 ученици, 60 родители и 38 наставници.

Од 21 до 29 мај, беа спроведени едукациите за безбедно користење на интернет во Гостивар и Тетово. Беа опфатени вкупно 4 училишта, односно по 2 во секој од градовите. Во Гостивар, едукации се одржаа во основното училиште „Башкими“ и во средното техничко училиште „Гостивар“, додека во Тетово со едукација за безбедно користење на интернет се здобија учениците, некои од нивните родители и наставниците од ОУ „Братство-Миѓени” и од гимназијата “Кирил Пејчиновиќ”. За сите едукации, задолжен беше едукаторот Агим Мустафаи од „Асоцијацијата за демократска иницијатива“ (АДИ) од Гостивар, а тие се реализираа на албански јазик.

 

Од 14 до 24 мај, едукаторите Гоце Коцевски и Душан Миланов успешно ги спроведоа едукациите за безбедно користење на интернет од страна на децата во две штипски училишта. По 5 едукативни средби беа одржани во основното училиште „Димитар Влахов“ и средното медицинско училиште „Јане Сандански“. На овие средби присуствуваа вкупно 179 деца и тинејџери, 45 наставници и 40 родители. За реализацијата на едукациите, задолжена беше Фондацијата за развој на локалната заедница од Штип.